‘O Juoco

Pe ppartecipà , mannace subbeto ‘na e.mail a ojuoco@napulitanamente.com, cu’ ‘o nomme e ccugnomme tuojo , ‘o nummer’ ‘e talefono e cundicenno ‘o nummero d’ ‘o juoco e ‘a soluzzione . Esempio : Juoco # 1 = soluzzione .

 

Ô primmo lettore ca manna ‘a risposta justa, a uno d’ ‘ê juoche, Napulitanamente lle rijala ‘nu cafè speciale.

Chi vénce ‘a dda aspettà ca ll’arriva ll’e mail ‘e cunferma, ca lle dice comme ha dda fa p’arritirà ‘o premmio e ‘o bbuono ca ha dda cunsignà a Don Cafè.

Puo’ juca’ sulo si staje a Napule.

Nun perdere tiempo, ‘o Juoco fernesce ‘o 30 Aprile.

 

‘o juoco #1 – bisense – title:”So’ bbone, cu’ ‘o ccaso”

‘Ncopp’ a n’ albero (nu xxxx) è sagliuto,

sette frutte n’ ‘a cugliuto,

cierte subbeto s’ ‘a mangiate,

po scennenno, è sciuliato

e ‘o (xxxx) destro s’ è spezzato.

 

‘o juoco #2  – first letter change – title:”premura pelosa”

‘O vvide ca fa friddo? Stamm’int’ ‘o core ‘e (xxxxxx).

Tu senza ca bbaccaglie e miettete ‘sta maglia!

Si’ ‘o (yxxxxx) ‘e ‘sta famiglia cca si muore tu, è ffernuta,

nun se po’ cchiù magnà.

 

‘o juoco #3 – syllable change- title:”allora si’ scemo?”

Ce ll’aggiu ditto o cecato ca ‘a dda arrivà papà,

comm’ ‘o (xxxx) e (xxyy)’ m’ ‘o vvene priesto a ddì.

 


‘O juoco ‘o truove pure a paggina 75  ‘ncopp’ a rivist’ ‘e marzo 2021. (vide l’HOME PAGE).

Bbona Furtuna!